Repaso iti Teokratiko nga Eskuelaan ti Panagministro

Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Abril 29, 2013. Naikabil ti petsa no kaano a maadal ti tunggal punto tapno makapagsukimatkayo bayat ti panagsaganayo iti eskuelaan iti tunggal lawas.

1. Ania a napateg a palagip ti impaay ni Jesus maipapan iti panagasawa kas nairekord iti Marcos 10:6-9? [Mar. 4, w08 2/15 p. 30 par. 8]

2. Ania ti kaipapanan ti panagserbi ken Jehova iti amin-kararua? (Mar. 12:30) [Mar. 4, w97 10/15 p. 13 par. 4]

3. Ania dagiti “ut-ot ti panagrigat” a nadakamat iti Marcos 13:8? [Mar. 11, w08 3/15 p. 12 par. 2]

4. Ania dagiti reperensia a nagkonsultaan ni Lucas idi inummongna ti salaysay iti Ebangheliona? (Luc. 1:3) [Mar. 18, w09 3/15 p. 32 par. 4]

5. Yantangay mangsapsapul ni Satanas iti “mainugot a tiempo” a mangsubok iti kinatarnawtayo, ania ti masapul nga aramidentayo? (Luc. 4:13) [Mar. 25, w11 1/15 p. 23 par. 10]

6. Kasanotayo a mayaplikar dagiti sasao iti Lucas 6:27, 28? [Mar. 25, w08 5/15 p. 8 par. 4]

7. Sakbay a natay ni Jesus kas pangsubbot a daton, apay a napakawanna dagiti basol ti maysa a babai? (Luc. 7:37, 48) [Abr. 1, w10 8/15 p. 6-7]

8. Iti ania nga anag a “guraen” dagiti pasurot ni Kristo dagiti kabagianda? (Luc. 14:26) [Abr. 15, w08 3/15 p. 32 par. 1; w92 7/15 p. 9 par. 3-5]

9. Anianto ti epektona kadagiti tattao “dagiti pagilasinan iti init ken bulan ken kadagiti bituen?” (Luc. 21:25) [Abr. 22, w97 4/1 p. 15 par. 8-9]

10. Kasanotayo a matulad ti wagas a panagkararag ni Jesus no maipasangotayo kadagiti narigat a pakasuotan? (Luc. 22:44) [Abr. 29, w07 8/1 p. 6 par. 2]