Panagrang-ay iti Serbisio iti Tay-ak

Maragsakantayo a makaammo iti baro a kangatuan a bilang dagiti agibumbunannag a nagreport iti Nobiembre 2012. Agdagup daytoy iti 182,696! Nangatngato daytoy iti 5,586 no idilig idi Nobiembre 2011. Ti bilang dagiti mayad-adalan iti Biblia ket ad-adu iti 25,046 no idilig iti napalabas a nasurok a makatawen, ken nasurok a maysa a milion dagiti naaramid a panagsarungkar. Anian a makaparagsak a makita nga adu ti mangsibsibug kadagiti naimula a bin-i ti kinapudno maipapan iti Pagarian ket nagsayaat dagiti resultana!—1 Cor. 3:6-9.