Repaso iti Teokratiko nga Eskuelaan ti Panagministro
Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Agosto 26, 2013. Naikabil ti petsa no kaano a maadal ti tunggal punto tapno makapagsukimatkayo bayat ti panagsaganayo iti eskuelaan iti tunggal lawas.
1. Ania ti nagpateg a masursurotayo iti dagus a panangawat ni Ari Herodes iti di maiparbeng a panangipadayag ken panangipadayaw dagiti tattao? (Ara. 12:21-23) [Hul. 1, w08 5/15 p. 32 par. 7]
2. Kasano a magunggonaan dagiti Kristiano nga agtutubo iti panangusig ken panangtuladda iti ulidan ni Timoteo? (Ara. 16:1, 2) [Hul. 8, w08 5/15 p. 32 par. 10]
3. Idi nangngeg da Aquila ken Prisca a ‘nagsao a situtured’ ni Apolos iti sinagoga idiay Efeso, kasano a siaayat a tinulonganda? (Ara. 18:24-26) [Hul. 15, w10 6/15 p. 11 par. 4]
4. Ania ti Nainkasuratan a pagibatayan dagiti Saksi ni Jehova nga agpatulong kadagiti korte ti nasion tapno masalaknibanda ti kalinteganda a mangasaba? (Ara. 25:10-12) [Hul. 22, bt p. 198 par. 6]
5. Kasano a naipamuspusan latta ni apostol Pablo ti mangasaba uray no nakabalud idiay Roma, ken kasano a tultuladen dagiti adipen ni Jehova ita ti ulidanna? (Ara. 28:17, 23, 30, 31) [Hul. 29, bt p. 215-217 par. 19-23]
6. Apay a deskribiren ti Biblia a di nainkasigudan ken naalas dagiti homoseksual nga aramid? (Roma 1:26, 27) [Ago. 5, g 1/12 p. 28 par. 7]
7. Kasano a ti “subbot nga imbayad ni Kristo Jesus” idi 33 C.E. abbonganna “dagiti basol a naaramid” sakbay pay a naipaay dayta a subbot? (Roma 3:24, 25) [Ago. 5, w08 6/15 p. 29 par. 6]
8. Ania a naayat a probision ti ipaay ni Jehova no maipasangotayo kadagiti nagrikut a kasasaad ken no ditay ammo ti eksakto nga ikararagtayo? (Roma 8:26, 27) [Ago. 12, w08 6/15 p. 30 par. 10]
9. Ania ti ipasimudaag ti balakad a “surotenyo ti dalan ti kinamanagpadagus”? (Roma 12:13) [Ago. 19, w09 10/15 p. 5-6 par. 12-13]
10. Kasanotayo nga ‘ikawes ni Apo Jesu-Kristo,’ kas imbalakad ni apostol Pablo? (Roma 13:14) [Ago. 26, w05 1/1 p. 11-12 par. 20-22]