Panagrang-ay iti Serbisio iti Tay-ak

Iti Septiembre, nga umuna a bulan iti baro a tawen serbisio, agdagup iti 189,227 ti naireport a bilang dagiti agibumbunannag. Makaparagsak met a maammuan a ti baro a kangatuan a bilang dagiti regular pioneer ket 34,194. Kayatna a sawen nga adu a kabbaro ti nagpasalista idi Septiembre 1, 2013. Nagsayaat daytoy a report iti laksid ti sumagmamano a bagyo a napasamak iti dayta a bulan. Anian a makaparagsak nga adu ti sidadaan a mangpalawa iti ministerioda!—Sal. 110:3.