Dagiti Pakaammo

◼ Literatura a tukon iti Septiembre ken Oktubre: Dagiti magasin a Pagwanawanan ken Agriingkayo! Nobiembre ken Disiembre: Ania a Talaga ti Isursuro ti Biblia? wenno ti maysa kadagiti sumaganad a tract: Ania ti Sekreto ti Naragsak a Pamilia?, Siasino a Talaga ti Mangkonkontrol iti Lubong?, wenno Agpatingganto Pay Ngata ti Panagrigrigat?

◼ Ti espesial a palawag publiko para iti panawen ti Memorial iti 2016 ket maipaay iti lawas ti Marso 28. Maipakaammonto ti temana. Kadagiti kongregasion nga agasamblea iti dayta a ngudo ti lawas wenno mairana ti panagbisita ti manangaywan iti sirkito, maaramid ti espesial a palawag iti sumaruno a lawas. Awan koma ti kongregasion a maaddaan iti espesial a palawag sakbay ti Marso 28.

◼ Gapu ta mausar ti libro a Tuladenyo ti Pammatida iti Panagadal ti Kongregasion iti Biblia mangrugi iti lawas ti Oktubre 19, 2015, agorder koma a dagus ti amin a kongregasion nga awanan iti umdas a suplay iti daytoy a publikasion. Iti kasta, tunggal maysa nga umatender ket maaddaan iti personal a kopia.