Panagrang-ay ti Serbisio iti Tay-ak

Bayat ti Abril, adda manen sabali a naisangsangayan a report ti pagilian. Kalpasan a nalab-awanda ti 200,000 nga agibumbunannag idi Marso, nagtultuloy ti panagrang-ay ket nadanon manen ti sabali a kangatuan a bilang idi Abril—200,789 nga agibumbunannag! Kangatuan met a bilang ti naireport a panagadal iti Biblia a 275,492. Nalawag daytoy a pammaneknek nga adu pay ti matulongan nga agbalin nga adipen ni Jehova. Malaksid iti kangatuan a bilang dagiti regular pioneer a 38,760, adda met 28,551 nga auxiliary pioneer a timmulong iti daytoy a trabaho. Maragsakan la ketdi ni Jehova a makakita iti panagregget ti nakaad-adu nga agserserbi kenkuana iti “amin-kararua.”—Col. 3:23.