Repaso iti Teokratiko nga Eskuelaan ti Panagministro
Mausig dagiti sumaganad a saludsod iti Teokratiko nga Eskuelaan ti Panagministro iti lawas a mangrugi iti Disiembre 28, 2015. Naikabil ti petsa no kaano a maadal ti tunggal punto tapno makapagsukimatkayo bayat ti panagsaganayo iti eskuelaan iti tunggal lawas.
Trinato kadi ni David a sirurungsot dagiti kautibona sigun iti pannakaawat ti dadduma iti 1 Cronicas 20:3? [Nob. 2, w05 2/15 p. 27]
Ania ti nangtignay ken David a mangipakita iti kinaparabur, ken ania ti makatulong kadatayo a mangaramid met iti kasta? (1 Cron. 22:5) [Nob. 9, w05 10/1 p. 11 par. 7]
Ania ti kayat a sawen ni David idi imbagana ken Solomon: “Ammuem ti Dios ni amam”? (1 Cron. 28:9) [Nob. 16, w10 11/1 p. 30 par. 3, 7
Ania ti ipalgak ti kiddaw ni Solomon iti 2 Cronicas 1:10 maipapan kenkuana, ken ania ti maadaltayo iti panangusigtayo kadagiti kararagtayo ken Jehova? (2 Cron. 1:11, 12) [Nob. 23, w05 12/1 p. 19 par. 6]
Sigun iti 2 Cronicas 6:29, 30, ania a naisangsangayan nga abilidad ti adda ken Jehova, ken apay a masapul nga iyebkastayo kenkuana ti linaon ti pusotayo babaen iti kararag? (Sal. 55:22) [Nob. 30, w10 12/1 p. 11 par. 7]
Ania ti nakaibatayan ti kararag ni Asa para iti panagballigina iti gubat maibusor iti kadakkelan a buyot dagiti soldado, ken ania ti masiguradotayo no makidangadangtayo iti naespirituan? (2 Cron. 14:11) [Dis. 7, w12 8/15 p. 8 par. 6–p. 9 par. 1]
Kasano a ti panagtignay ni Jehova mainaig iti basol ni Ari Jehosafat ipanamnamana kadatayo ti ayat ti Dios, ken kasano nga apektaran daytoy ti panangmatmattayo iti sabsabali? (2 Cron. 19:3) [Dis. 14, w03 7/1 p. 17 par. 13; cl p. 245 par. 12]
Apay a masapul nga ‘agsaadtayo’ ken ‘agtakdertayo a siiintek’ ita ken kasanotayo a maaramid dayta? (2 Cron. 20:17) [Dis. 21, w05 12/1 p. 21 par. 2; w03 6/1 p. 21 par. 15-16]
Ania ti maawatantayo a serioso a palagip iti 2 Cronicas 21:20 mainaig iti ipapatay ni Jehoram? [Dis. 21, w98 11/15 p. 32 par. 4]
Sigun iti 2 Cronicas 26:5, asino ti nagbalin a nasayaat nga impluensia iti agtutubo a ni Ozias, ken kasano a mabenepisiaran dagiti agtutubo ita manipud kadagiti nataengan a Kristiano iti kongregasion? [Dis. 28, w07 12/15 p. 10 par. 2, 4]