Ti Daga “Inigupna ti Karayan”

Iti nagduduma a tiempo idi un-unana, dagiti agtuturay tinulonganda ti ili ni Jehova. (Esd 6:1-12; Est 8:10-13) Uray ita, makitkitatayo a “ti daga”​—dagiti elemento iti daytoy a sistema a mas rasonable—​ig-igupenda “ti karayan” ti panangidadanes nga isungsungsong “ti dragon” a ni Satanas a Diablo. (Apo 12:16) No dadduma, ni Jehova, ti “Dios a mangisalakan,” tignayenna dagiti agtuturay a tattao tapno bang-aranda ti ilina.​—Sal 68:20; Pr 21:1.

Ngem kasanon no nakabaludka gapu iti pammatim? Makapagtalekka a bambantayannaka ni Jehova. (Ge 39:21-23; Sal 105:17-20) Masiguradom a magunggonaan ti pammatim ket ti kinamatalekmo ti mangparegta iti kakabsatmo iti intero a lubong.​—Fil 1:12-14; Apo 2:10.

BUYAEN TI VIDEO A DAGITI KAKABSAT ITI KOREA, NAWAYAWAYAAN ITI PAGBALUDAN SA SUNGBATAN DAGITOY:

• Apay nga adu a tawen a naibalud ti rinibu a kakabsattayo iti South Korea?

• Aniada a desision ti korte ti makagapu iti nasapsapa a pannakawayawaya ti dadduma a kakabsattayo?

• Kasano a matulongantayo ti kakabsattayo iti intero a lubong a nakabalud gapu iti pammatida?

• Kasano ti rumbeng a panangusartayo iti aniaman a wayawaya a tagtagiragsakentayo ita?

• Asino ti kangrunaan a mapadayawan iti aniaman a nagun- odantayo a balligi iti korte?