Tallo a Pamay-an a Makapagtalektayo ken Jehova

Inabak ni David ni Goliat gapu ta nagtalek ken Jehova. (1Sm 17:45) Kayat ni Jehova nga ipakita ti bilegna para iti amin nga adipenna. (2Cr 16:9) Kasanotayo a maipakita nga agtaltalektayo iti tulong ni Jehova imbes nga iti kapadasan wenno abilidadtayo? Dagitoy ti tallo a pamay-an:

• Kanayon nga agkararag. Saantayo laeng nga ikararag a pakawanennatayo no nagkamalitayo, ikararagtayo met a pabilgennatayo a manglaban iti sulisog. (Mt 6:12, 13) Saantayo laeng nga ikararag a bendisionan ni Jehova dagiti inaramidtayon a desision no di ket agpaiwanwantayo kenkuana ken dumawattayo iti sirib sakbay a mangaramidtayo kadagiti desision.​—San 1:5

• Iyeskediul a basaen ken adalen ti Biblia. Inaldaw a basaen ti Biblia. (Sal 1:2) Utobentayo dagiti karakter ti Biblia ken iyaplikartayo dagiti masursurotayo. (San 1:23-25) Agsagana para iti ministerio imbes nga agtalek iti bukod a kapadasan. Agsaganatayo a nasakbay para kadagiti maadal iti gimong tapno adu ti masursurotayo

• Makikooperar iti organisasion ni Jehova. Ammuentayo dagiti kabaruan nga instruksion ti organisasion, sa surotentayo a dagus. (Nu 9:17) Dumngegtayo kadagiti balakad ken instruksion dagiti panglakayen.​—Heb 13:17

BUYAEN TI VIDEO A DIYO PAGBUTNGAN TI PANNAKAIDADANES, SA SUNGBATAN DAGITOY:

• Ania dagiti pagbutbutngan dagiti kakabsat?

• Ania ti nakatulong kadakuada a mangsango kadagiti pagbutbutnganda?