ABRIL 28–MAYO 4
PROVERBIO 11
Kanta 90 ken Kararag | Panglukat a Sasao (1 min.)
1. Dimo Ibagbaga!
(10 min.)
Dika mangibaga iti aniaman a mabalin a mangperdi iti ‘kaarrubam’ (Pr 11:9; w02 5/15 26 ¶4)
Dika mangibaga iti aniaman a mamagsisina (Pr 11:11; w02 5/15 27 ¶2-3)
Dimo iwaras ti kompidensial a banag (Pr 11:12, 13; w02 5/15 27 ¶5)
PANUNOTEM: Kasano a makatulong ti imbaga ni Jesus iti Lucas 6:45 tapno saantayo a makaibaga iti pakasaktan ti dadduma?
2. Panagkali iti Naespirituan a Gameng
(10 min.)
Pr 11:17—Apay a pagsayaatantayo no nasingpettayo? (g20.1 11, kahon)
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Pr 11:1-20 (th adalen 5)
4. Panangirugi iti Saritaan
(4 min.) DI PORMAL A PANANGASABA. Mangbirok iti gundaway tapno maibagam iti kasarsaritam ti nasursurom iti nabiit pay a gimong. (lmd leksion 2 punto 4)
5. Panagsarungkar
(4 min.) DI PORMAL A PANANGASABA. Ipakita ken pagsaritaan ti maysa a video iti Toolbox iti Panangisuro. (lmd leksion 8 punto 3)
6. Panagaramid iti Adalan
(4 min.) PANANGASABA ITI PUBLIKO. Iyawis ken ipakita no kasano ti agadal iti Biblia. (lmd leksion 10 punto 3)
Kanta 157
7. Diyo Koma Ipalubos a ti Dilayo ti Mangdadael iti Kappia
(15 min.) Pagsasaritaan.
Gapu ta imperpektotayo, makaibagatayo kadagiti saan a nasayaat. (San 3:8) Ngem no panunotentayo dagiti problema a mabalinto a resultana, makatulong dayta tapno ditay makaibaga iti pagbabawyantayto. Dagitoy ti dadduma a panagsasao a mabalin a mangdadael iti talna ti kongregasion:
Di umiso a panagpannakkel. Daytoy ket panangpadayaw iti bagi a mabalin a mangrubrob iti kompetision ken apal.—Pr 27:2
Panagulbod. Daytoy ket saan laeng a direkta a panagulbod no di ket panangibaga iti maysa a banag a nairanta a mangallilaw. Uray ti bassit laeng a panagulbod mabalin a dadaelenna ti panagtalek ti dadduma kadatayo ken ti reputasiontayo.—Ec 10:1
Tsismis. Daytoy ket panangibaga iti personal a bambanag wenno saan nga agpaypayso maipapan iti dadduma ken iti biagda. (1Ti 5:13) Mabalin nga agresulta dayta iti panagaapa ken pannakabingaybingay
Panagunget. Daytoy ket saan a makontrol a panangiruar iti negatibo a rikriknatayo iti maysa a nangsair kadatayo. (Efe 4:26) Mabalin a makapasakit dayta.—Pr 29:22
I-play ti VIDEO nga “Ikkatenyo” Dagiti Mangdadael iti Kappia—Ababa a Paset. Kalpasanna, isaludsod daytoy:
Ania ti nasursurom maipapan iti epekto ti panagsasaotayo iti talna ti kongregasion?
Tapno makitam no kasano a naisubli ti talna, buyaem ti ‘Sapulem ti Kappia ken Surotem Dayta.’
8. Panagadal ti Kongregasion iti Biblia
(30 min.) bt kap. 25 ¶14-21