Tip iti Panagadal
Kayatmo kadi a basaen dagiti pakasaritaan ti biag dagiti kakabsat?
Adda agassawa nga agbasbasa iti maysa a pakasaritaan ti biag iti kada agsapa. Imbagada: “Makaparagsak ken makaparegta kadakami dagitoy a pakasaritaan! Ipalagipda a kayami met ti agtalinaed a matalek aniaman ti kasasaad.” Kasta met laeng ti narikna ti maysa a sister. Insuratna: “Dagita a pakasaritaan ti biag ket makaliwliwa, makaparegta, ken makatukay iti puso. Makapnek unay ken nakaragragsak ti biag dagiti kakabsat. Dagiti pakasaritaanda ti mangtignay kaniak nga aggaggaget iti ministerio ken tumulong kaniak a mangparegta kadagiti annakko a sumrek iti amin-tiempo a panagserbi ken Jehova.”
Dagiti pakasaritaan ti biag ti mangtignay kenka a mangaramid kadagiti nagsayaat a kalat, mangparmek kadagiti pagkapuyam, ken mamagtalinaed iti rag-om ken dignidadmo bayat nga ib-ibturam dagiti nakaro a suot. Kasanom a mabirokan dagitoy a pakasaritaan?
I-browse dagiti artikulo nga addaan serye a “Pakasaritaan ti Biag Dagiti Saksi ni Jehova” iti jw.org wenno iti JW Library®.
Biroken ti “Pakasaritaan ti Biag Dagiti Saksi ni Jehova” iti Watchtower ONLINE A LIBRARIA wenno Watchtower Library.