No Kasano a Mangipaay ti Pannakaital-o ti Payak ti Tumatayab
Dagiti payak dagiti tumatayab ar-aramidendan dayta nabayagen sakbay dagiti eroplano. Nabayagen sakbay pay ti itataud ti tao, a maipaay iti dayta a banag. Ti makin-uneg a kagudua ti payak ti mangipaay iti kasapulan a pannakaital-o. Dayta ti nagkurba iti rabaw, ket ngangngani nalinteg iti sirokna. Ti angin a lumasat iti makinrabaw a kurba ti payak ad-adayo ti papananna ngem ti angin a lumasat iti sirok ti ngangngani nalinteg a sirokna. Gapuna, ti angin iti rabaw naparpartak, ket awanton. Daytoy kaipapananna a nakapkapuy ti bilegna iti rabaw, nabilbileg iti sirok. Daytoy a nabilbileg a puersa iti sirok ti mangipangato iti payak, a mangipaay iti pannakaital-o. Dagiti tumatayab iti baybay, a sumurot iti nabileg nga angin, a saan nga agkayabkab ti payakda, ti kankanayon a maipangato gapu iti pannakaital-o itoy a panagkurba ti sirok ti payakda. Dagiti nangdisenio ti eroplano kinopiada daytoy a panagkurba ti sirok ti payakda a mangipaay iti pannakaital-o ti bagida—ngem ti Dios ti immuna a nangaramid iti dayta, idi pinarsuana dagiti tumatayab.
Maysa a pakaskasdaawan ti panamarsua a di nagballigian a tinulad ti tao: dayta biolohikal a helicopter a maawagan hummingbird. Agtayab nga agpasango, agpalikud, agpasikigan, nakadata, wenno di agkutkuti iti tangatang, gapu laeng iti pamay-an ti panaggaraw ti payakna. Mangusar met iti panagkurba ti payak a maipaay iti pannakaital-o, ngem nakaskasdaaw ti pannakaidumana. Natibker dagiti payakna, malaksid iti suop ti abaga. Agpusiposda a naimbag ket makapusiposda iti 180 degrees. Gapuna ti maysa a sikigan ti adda iti ngato no dagiti payak agpasangoda, ket ti sabali ti adda iti ngato no dayta ti agpalikud. Ket dagiti dutdot ti payak nalap-itda a mangipaay iti pannakaital-o, a ti kurba ti payak iti aniaman a sikigan ti adda iti ngato! Gapuna iti tunggal panagkayabkab, agpasango man wenno agpalikud, mangipaay iti pannakaital-o isu a mamagbalin iti dayta a di agkutkuti no mangsisip iti nektar kadagiti sabsabong. Wenno dayta ti basta agnaed iti ngato a mangmingming kadakayo.
[Diagram iti panid 15]
(Para iti aktual a pannakaurnosna, kitaem ti publikasion)
Aggargaraw nga Angin
Pannakaital-o
Grabidad