Nagtalinaed ti Nagkauna a Patarus ti Biblia
Bayat ti 1994/95, nangiparang ti British Library iti kompleto a teksto ti 1526 nga edision a patarus ni William Tyndale iti Kristiano a Griego a Kasuratan a nayimprenta idi naidestiero idiay Worms, Alemania. Nagatang daytoy a libro manipud iti Bristol Baptist College iti Inglatera iti dandani $1,600,000, ta naibilang dayta a kas ti kakaisuna a nakalasat a kompleto a kopia—ti intero a 3,000 wenno ad-adu pay a kopia a naipuslit ti pannakaiserrekna iti Inglatera ket napuoran gapu iti panangsugsog ti obispo ti London. Nupay kasta, natakkuatan ti sabali a kompleto a kopia daytoy nga edision, iti maysa a libraria idiay Stuttgart, Alemania. Gapu ta di umiso ti pannakamarkana ken di naikankano iti ginasgasut a tawen, saan laeng a nagtalinaed ti orihinal a pannakadaitna no di ket ti napateg a panid a nakaisuratan ti paulona.
[Picture Credit Line iti panid 15]
Babaen ti naasi a pammalubos ti Prinsipal, Dagiti Miembro ken Eskolar ti Hertford College, Oxford
© Württ. Landesbibliothek/Fotograf: Joachim Siener