Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • g99 3/8 p. 31
  • Mannakikappia Wenno Mannakigubat?

Awan video-na ti napilim.

Pasensiakan, adda problema iti pannakai-load ti video.

  • Mannakikappia Wenno Mannakigubat?
  • Agriingkayo!—1999
  • Umasping a Material
  • Posible Kadi ti Nakristianuan a Panagkaykaysa?
    Agriingkayo!—1991
  • Dagiti Nasken a Petsa iti Ekumenikal a Ganuat
    Agriingkayo!—1991
  • Ti World Council of Churches—Panagtitinnulong Wenno Riribuk?
    Agriingkayo!—1991
  • Aniat’ Namnama nga Agpatingga ti Gubat?
    Agriingkayo!—1993
Kitaen ti Ad-adu Pay
Agriingkayo!—1999
g99 3/8 p. 31

Mannakikappia Wenno Mannakigubat?

“SAAN a rumbeng a makipaset ti maysa a Kristiano kadagiti aramid a mainaig iti gubat.” Daytat’ manggupgop iti panangmatmat dagiti immuna a Kristiano iti gubat, kuna da Thoko ken Malusi Mpulwana iti Echoes, magasin nga impablaak ti World Council of Churches (WCC). Idi laengen “nakialiansa ti Kristiano nga Iglesia iti napolitikaan a gunglo,” innayonda a kinuna, nga “immannugot [ti iglesia] a nesesita ti gubat.” Ti resultana? Nagpigsat’ panangsuportar ti Kakristianuan kadagiti gubat iti unos dagiti tawen ta kalpasan ti maikadua a gubat sangalubongan, patien payen ti United Church of Christ idiay Japan a nasken a maipaulog ti opisial a “Surat ti Iyaannugot nga Adda Sungsungbatanna iti Gubat Sangalubongan II.”

Kadagitoy nga aldaw, 50 a tawen kalpasan ti gubat, nabalbaliwan bassit ti naranggas a reputasion ti Kakristianuan. “No iyimtuodtayo a datayo kas Kristiano pudno a sititibker ken makakombinsir ti Panagkitakittayo iti kinanainkalintegan ti gubat ken Umannugottayo iti ayat ni Kristo,” admitiren ni Dr. Roger Williamson, nga agtartrabaho para iti Church of England, “nabatad a . . . nagadu pay laeng ti rumbeng nga ikompesartayo.” Nupay imbaga ti WCC idi 1948 a “ti gubat kas pamay-an a pangrisut kadagiti riri ket maikontra iti pannursuro ken ehemplo ni Apotayo a Jesu-Kristo,” kuna ni Williamson a dagiti iglesia iti Kakristianuan masansan a rinubrobanda ti “kinapanatiko, di panagpabus-oy, pananglapped iti wayawaya ti tao ken ikakaro dagiti dangadang.” Isu met la gayam nga imbagana a ti “relihion . . . masansan a mangpakaro imbes a mamagpatingga iti dangadang.”

Ti gubat a namagsisina iti dati a Yugoslavia ket maysa a maitutop a pagarigan. Nupay adun a tawen a mapaspasamak ti kinaawan hustisia ken kinaranggas, natakuatan dagiti iglesia a marigatanda unay nga agkaykaysa maipapan iti dangadang iti dayta a pagilian. Apay? Kuna ni Dr. Williamson nga iti laksid ti maipagarup a Nakristianuan a singgalut, dagiti Serb ken Croat a klero agbibinnusorda a kas kadagiti politiko iti pagilianda. Saan a mannakikappia dagiti klero ti Kakristianuan sadiay ken iti sadinoman a lugar, Katoliko man, Orthodox, wenno Protestante, no di ket isudat’ “papadi nga adda dasdasiganda.” Nupay nasurok a 300 itan nga iglesia ti miembro ti WCC, bigbigen ni Dr. Williamson a “talaga a nagrigat ti mangbirok kadagiti mapaguadan nga iglesia a pudno a . . . mannakikappia.”

Talaga a narigat. Ngem saan a kas kadagiti iglesia a miembro ti WCC, a basta pagsasaritaanda ti panagkakappia, adda maysa a relihion a nagballigin a namagkakappia kadagiti dati a miembro ti nadumaduma a relihion ket tinulonganda ida nga agbalin a pudno a Kristiano. Kadagitoy nga aldaw, gapu iti panagayatda iti Dios ken iti tarigagayda a ‘mangsurot iti pannakikappia kadagiti isuamin a tattao,’ ti nasurok a 5.8 a milion a Saksi ni Jehova iti 233 a dagdaga, agkitakitda a makipaset iti panaggugubat dagiti nasion​—iti man Asia, Latin America, ti Makintengnga a Daya, Makin-amianan nga Ireland, Rwanda, wenno ti dati a Yugoslavia. (Hebreo 12:14; Mateo 22:36-38) Imbes ketdi, tungtungpalenda ti padto ti Biblia babaen ti ‘panangpitpitda kadagiti kampilanda a pagbalinen a dingding ti arado’ ken ‘dida met sursuruenen a pulos ti gubat.’​—Mikias 4:3.

[Dagiti ladawan iti panid 31]

Dadduma a Saksi ni Jehova idiay Africa ket naglak-am iti nakaro a pannakakabkabil gapu iti neutralidadda

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share