Kanta 85

Ni Jehova ti Kamangtayo

(Salmo 91:1, 2)

1. Kamangtay ni Jehova,

’Sut’ intay pagtalkan.

Anniniwannat’ linong;

Intay pagnaedan.

Isu ti mangispal kenka

Iti angol ken siloda.

Jehovat’ sarikedked,

Nalinteg ket agkamang.

2. Rinibo ti mapasag,

Wen, iti sibaymo,

Linaksa dita dennam,

Ngem dika ma’n-ano.

Saankanto nga agbuteng,

Nupay peggad asidegen.

Didigrantot’ makitam,

Ngem maispalnakanto.

3. Awanto ti didigra,

Rigat a mapagteng.

Ti anghel ni Jehova

Talged inna itden.

Ti leon dikanto kabuteng;

Payatemtot’ karasaen.

Batot’ di mangitibkol

No Dios inka agtaklin.

4. Ni Jah, pagyamanantay;

Kasta a namnama.

Bayat panagserbitay,

Natarnawtay koma.

Ayattay ti naimpusuan;

Tapno innatay ’salakan.

Nagannat’ sarikedked;

Kamangtay ni Jehova.