Kanta 94
Ari ti Kina-agnanayon, Santipikarem ti Naganmo!
1. Jehova, siksika ti Dios,
Nga’ginggat’ kina’gnanayon.
Imparangmot’ ayat, anus,
Inggat’ nagan maalangon.
Panggepmo ket agnanayon;
Kinasirib imparangmo.
Ti Pagariam ket umayton,
Kinadakes magudasto.
2. Namarsuakat’ uniberso,
Idi ugma Sikat’ addan!
Nakitam taot’ kimmaro,
Ditoy mismot’ sakaanam.
Anak intedmo kadakam;
Panagturaynat’ adtoyen.
Kabusornat’ mapaksiatdan;
Ngudodat’ ikararagen.
3. Nagkauna a mammadto
Nangasabada, si’regta.
Matungtungpalen pammadto,
Masaksaksiantay met ita.
Dagatay mataginayon,
Pulos, dinto agongaong.
O Apo Ari iyegmon,
Mesianiko a turaymon.