Kanta 105

Itan-oktay Inauna nga Anak ni Jehova!

(Hebreo 1:6)

1. Itan-oktay Inauna

—Isu ti agtawid—

Sipud idi naparsua,

Saan a simmukir.

Amin inaramidna

’Diay langit ken daga,

Ket kas pannakangiwat,

Dios inyam-ammona.

2. Nupay umasping ’ti Dios,

Dina inaguman

Ti pannakipadana

Dina rinibalan.

Isut’ nagpakumbaba

Taot’ pinadana

Tapno Dios maalangon

Ket biagtay itdenna.

3. Ni Kristo ngad naitan-ok

Saad a nangato

Ti nagan ni Jehova,

Isut’ namagsanto.

Intono Armagedon

Taonat’ maispal,

Duprakennat’ kabusor,

Talnat’ din manungpal.

4. Itan-oktay Inauna!

’Warnaktay Pagarian.

’Sut’ intay ikasaba,

Pudnot’ pasingkedan.

Ti intay asikasuen

Isurot’ dadduma.

Paregtaen kakabsat

Agdayaw Anakna.