Kanta 111

Rumanraniag ti Lawag

(Proverbio 4:18)

1. Lawag ti Saot’ Dios ket rumanraniag,

Ad-adda, lumawlawag, aldaw adtoyen.

Ti kinapudno, Dios mangipalpalgak;

Kadatay agdawdawat: ‘Maykay umimdeng.’

Iti ulbod a relihion

Itan, nakaluk-attayon.

Rimsuat’ pudno.

Nagarit’ Apo.

Simmilnag ti lawag kas anaraar,

Kadagiti nalinteg rimmaniag ti lawag,

Inted Dios, lawag.

2. Silaw danat’ nalinteg umad-adda.

Nayonan ni Jehova a sidudungngo.

Pannakaawat inna ibuksilan;

Ilinat’ balakadan ti kinapudno.

Kinakapoy no maminsan

Agbunga ti paglabsingan;

Manggugor ngad

Silnag ti lawag.

Diostay mangted ti silaw a tumulong.

Kasla kimat, nagngayed a lawag, ­rimmaniag,

Lawag, rimmaniag.

3. Nakaranraniag pagpagnaantayon,

Kasla ti agmatuon nakalawlawag.

Diostay ’sut’ silaw, innatay lawagan;

Dalan inna silawan, ditay agdanag.

Ditay nga agpangadua ken

Ti pudnot’ di apuraen.

’Ti dalan ket

Agtalinaed.

Nagannaraar ti lawag, lumanlan.

Nalinteg agragsak ta nagpigsa ti lawag.

Nagpigsat’ lawag.