Kanta 123
Rumang-ayka!
1. Rumang-ay, rumang-ay agnataengan!
Pagayatan ti Dios a naruay kabaelan.
Ti ministerio parang-ayen itan,
Dios ti mangbendision kenka.
Mabalintay amin ti agserbi;
Daytat’ trabaho ni Kristo idi.
Dios ti pagtalkan tapnon agballigi.
Kinalinteg, agtibkerka.
2. Rumang-ay, rumang-ay, mangasabaka!
Naimbag a damag idanon kadakuada.
Siraragsak dayawem ni Jehova
Iti panagbalaybalay.
Uray pay kabusor mamutbuteng,
Ituloymo tapno inda mangngeg
Damag ti Pagarian nga asidegen.
Inka iwarnak a naynay.
3. Rumang-ay, rumang-ay ti kinasigom,
Parang-ayem yantangay adu ti trabahom!
Ti espiritut’ Dios kenkat’ tumulong
Ket ti ragsakmo nadiosan.
Kabsat ayatem gaput’ Naganna;
Kaduam ida no makiadalka.
Ken tulongam iti irarang-ayda,
Sangsangkamaysa, agraniag.