Nakristianuan a Dedikasion

1. Ni Jehovat’ nangaramid

’Ti sangaparsuaan.

Langit, daga ket kukuana,

’Sut makinggapuanan.

Ti biag naggubuay kenkuana,

Ket impakitana

Nga isut’ rumbeng a pagserbian

Ken intay pagdayawan.

2. Ni Jesus napan ’diay Jordan

Ket nabautisaran.

Inyebkasna ken Amana

Ti panagtulnogna:

‘Pagragsakak, O Jehova,

Ti agtungpal kenka.’

Iti Dios isut’ dedikado,

Kas Mesias a nasungdo.

3. Umadanikam, Jehova,

Nga agdayaw kenka.

Bagimit’ tallikudanmi,

Agdedikarkami.

Ti bugbugtong nga Anakmo,

Kas subbot intedmo.

Matay man wenno agbiagkami,

Sika lat’ pagserbianmi.