Kanta 22
“Ni Jehova ti Pastorko”
Nayimprenta nga Edision
(Salmo 23)
1. Ni Jehova ti Pastorko;
Naasi ken nadungngo.
Karneronat’ ay-aywananna,
Awan ti baybay-anna.
Iti danum iturongnak,
Bang-arannat’ kararuak.
Iwanwannak iti dalanna
Maigapu ’ti naganna.
Iwanwannak iti dalanna
Maigapu ’ti naganna.
2. Addaak man kasipngetan,
Ti dakes diak pagbutngan.
Ti Pastorko addat’ sibayko;
Bastonnat’ salaknibko.
Ti ulok ket sapsapuanna;
Ti kopak pumpunnuenna.
Ayatnat’ kumuykuyog kaniak;
Balaynat’ pagtaengak.
Ayatnat’ kumuykuyog kaniak;
Balaynat’ pagtaengak.
3. O masirib ti Pastorko!
Ikantak ti dayawna.
Pakaammuak ti kimmarnero
Maipapan ’ti ayatna.
Saona ti annurotek,
Dalanna ti pagnaak.
Naynay nga isu ti pagserbiak;
Daytat’ kapatgan kaniak.
Naynay nga isu ti pagserbiak;
Daytat’ kapatgan kaniak.
(Kitaem met ti Sal. 28:9; 80:1.)