Kanta 38
Iyallatiwmo ti Dadagsenmo ken Jehova
Nayimprenta nga Edision
(Salmo 55)
1. Pangngaasim, O Jehova,
Denggem ti ararawko.
Sapay ta sungbatam ket
Tumibker pakinakemko.
(KORO)
Ken Jehova yallatiwmo
Amin a dadagsenmo.
Isut’ mangsaranay kenka
Ken pabilgennakanto.
2. No koma makatayabak,
Ti peggad maadaywak.
Ket ti nadangkes awan
Maaramidanna kaniak.
(KORO)
Ken Jehova yallatiwmo
Amin a dadagsenmo.
Isut’ mangsaranay kenka
Ken pabilgennakanto.
3. Agkiddawak ken Jehova
Iti pannalaknibna.
Bileg ken talnat’ itdenna
Kadagiti naemma.
(KORO)
Ken Jehova yallatiwmo
Amin a dadagsenmo.
Isut’ mangsaranay kenka
Ken pabilgennakanto.
(Kitaem met ti Sal. 22:5; 31:1-24.)