Kanta 48
Inaldaw a Makipagna ken Jehova
Nayimprenta nga Edision
1. Inaldaw a makipagna
Iti patpatgentay nga Ama.
Ni Jehova ipaayna
Ti di kaikarian nga asina.
Agyamantay ken Jehova
Gaput’ pannarabayna.
Dedikadotay kenkuana;
Addatay iti dasigna.
2. Daytoy daan a sistema
Asidegen nga agpatingga.
Ibubusor man ket dumteng,
Ditayo kumleb iti buteng.
Ta saluadan ni Jehova
Dagiti adipenna.
Pulos a ditay sumiasi;
Matalektay nga agserbi.
3. Ni Jehova impaayna
Ti Sao ken espirituna.
Kararag ken kongregasion,
Impaayna met a probision.
Ni Jehova isurona
Ti nalinteg a dana.
Tuladentay ti asina;
Magnatay a sieemma.
(Kitaem met ti Gen. 5:24; 6:9; 1 Ar. 2:3, 4.)