KANTA 108
Ti Napudno nga Ayat ti Dios
Nayimprenta nga Edision
1. Napudno nga ayat!
Ni Jehova ket naayat.
Babaen iti Anakna,
Tattao ket sinubbotna
Tapno masagraptay rag-o
Ken ti biag a di agngudo.
(KORO)
Dakay amin a mawaw,
Adtoy ti danum ti biag.
Uminumkay a mawaw
Ta ti Dios naayat.
2. Napudno nga ayat!
Ni Jehova ket naayat.
Impakitanat’ ayatna;
Anakna ket intronona.
Matungpalen ti panggepna
Babaen ti Pagarianna.
(KORO)
Dakay amin a mawaw,
Adtoy ti danum ti biag.
Uminumkay a mawaw
Ta ti Dios naayat.
3. Napudno nga ayat!
Ni Jehova ket naayat.
Tuladentay ti ayatna;
Tulongantay ti naemma.
Intay ngad mangaskasaba
Tapno Dios maam-ammoda.
(KORO)
Dakay amin a mawaw,
Adtoy ti danum ti biag.
Uminumkay a mawaw
Ta ti Dios naayat.
(Kitaem met ti Sal. 33:5; 57:10; Efe. 1:7.)