Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • lff leksion 15
  • Asino ni Jesus?

Awan video-na ti napilim.

Pasensiakan, adda problema iti pannakai-load ti video.

  • Asino ni Jesus?
  • Agbiagka a Naragsak iti Agnanayon!—Leksion iti Biblia a Makatulong Kenka
  • Subtitulo
  • Umasping a Material
  • AMMUEM TI AD-ADU PAY
  • SUMARIO
  • AGDISKOBREKA PAY
  • Asino ni Jesu-Kristo?
    Ania ti Isuro ti Biblia Kadatayo?
  • Siasino ni Jesu-Kristo?
    Ania a Talaga ti Isursuro ti Biblia?
  • Ni Jesu-kristo ti Tulbek iti Pannakaammo ti Dios
    Pannakaammo a Mangiturong iti Biag nga Agnanayon
  • Jesu-Kristo—Dagiti Saludsodtayo a Nasungbatan
    Ti Pagwanawanan Mangibumbunannag iti Pagarian ni Jehova—2012
Kitaen ti Ad-adu Pay
Agbiagka a Naragsak iti Agnanayon!—Leksion iti Biblia a Makatulong Kenka
lff leksion 15
Leksion 15. Ni Jesus a magmagna iti kataltalonan.

LEKSION 15

Asino ni Jesus?

Nayimprenta nga Edision
Nayimprenta nga Edision
Nayimprenta nga Edision

Ni Jesus ti maysa kadagiti kasikatan a tao iti historia. Ngem naganna laeng ti ammo ti adu a tattao maipapan kenkuana. Agduduma met ti opinion ti adu a tattao no asino a talaga ni Jesus. Ania ti ibaga ti Biblia maipapan kenkuana?

1. Asino ni Jesus?

Ni Jesus ket maysa a mannakabalin nga espiritu idiay langit. Inaramid isuna ni Jehova a Dios sakbay ti amin a dadduma pay a parsua. Gapu iti dayta, isu ket naawagan kas “ti inauna iti amin a parsua.” (Colosas 1:15) Awagan ti Biblia ni Jesus kas ti ‘bugbugtong nga Anak’ ti Dios gapu ta isu laeng ti direkta a pinarsua ni Jehova. (Juan 3:16) Nakipagtrabaho ni Jesus iti Amana a ni Jehova iti panangaramid iti amin a dadduma pay a banag. (Basaen ti Proverbio 8:30.) Agingga ita, nadekket latta ti relasion ni Jesus ken ni Jehova. Simamatalek a nagserbi kas pannakangiwat ti Dios, “ti Sao,” a nangidanon kadagiti mensahe ken instruksion ti Dios.​—Juan 1:14.

2. Apay nga immay ni Jesus ditoy daga?

Agarup 2,000 a tawenen ti napalabas, nangaramid ni Jehova iti milagro. Inusarna ti nasantuan nga espirituna a mangyakar iti biag ni Jesus manipud langit iti aanakan ti agtutubo a birhen a babai nga agnagan Maria. Gapu iti dayta, nayanak ni Jesus kas tao. (Basaen ti Lucas 1:34, 35.) Immay ni Jesus ditoy daga kas ti naikari a Mesias, wenno Kristo, ken tapno isalakanna dagiti tattao.a Natungpal kenkuana ti amin a padto iti Biblia maipapan iti Mesias, isu a nailasin dagiti tattao a ni Jesus “ti Kristo, ti Anak ti sibibiag a Dios.”​—Mateo 16:16.

3. Ayan itan ni Jesus?

Idi natay ni Jesus kas tao, napagungar kas espiritu ken nagsubli idiay langit. Idiay langit, ni Jesus ket “intan-ok ti Dios iti nangatngato a posision.” (Filipos 2:9) Ita, nagdakkel ti autoridad ni Jesus. Isu ti maikadua ken Jehova a kangatuan.

AMMUEM TI AD-ADU PAY

Adalem ti ad-adu pay no asino a talaga ni Jesus ken no apay a nakaim-importante nga adalen ti maipapan kenkuana.

Ni Jesus ken ni Juan a Mammautisar a nakatakder iti danum ken dumdumngeg iti boses manipud langit kalpasan la unay a nabautisaran ni Jesus.

4. Ni Jesus ket saan a Mannakabalin-amin a Dios

Isursuro ti Biblia nga uray no mannakabalin nga espiritu a parsua ni Jesus idiay langit, agtultulnog iti Diosna ken Amana, ni Jehova. Apay a maibagatayo a kasta? I-play ti VIDEO tapno maammuam ti isursuro ti Biblia no apay a naiduma ni Jesus iti mannakabalin-amin a Dios.

VIDEO: Ni Jesu-Kristo Kadi ti Dios? (3:22)

Makatulong dagiti sumaganad a teksto tapno maawatantayo no ania ti relasion ni Jehova ken ni Jesus. Basaen ti tunggal teksto, sa pagsaritaan dagiti sumaruno a saludsod.

Basaen ti Lucas 1:30-32.

  • Ania ti imbaga ti anghel a relasion ni Jesus ken ni Jehova a Dios, “ti Kangatuan”?

Basaen ti Mateo 3:16, 17.

  • Idi nabautisaran ni Jesus, ania ti nangngegna manipud langit?

  • Makimboses ngata iti dayta?

Basaen ti Juan 14:28.

  • Asino ti in-inauna ken dakdakkel ti autoridadna? Ti ama wenno ti anak?

  • Ania ti ipakita ti panangawag ni Jesus ken Jehova iti Ama?

Basaen ti Juan 12:49.

  • Pinanunot kadi ni Jesus nga agpadada iti Amana? Ania ti makunam?

5. Dagiti ebidensia a ni Jesus ti Mesias

Makita iti Biblia ti adu a padto a makatulong kadagiti tattao tapno mailasinda ti Mesias​—ti pinili ti Dios a mangisalakan kadagiti tattao. I-play ti VIDEO tapno maammuam ti dadduma a padto a natungpal ken Jesus idi immay ditoy daga.

VIDEO: Tinungpal ni Jesus Dagiti Padto (3:03)

Basaen dagiti sumaganad a padto ti Biblia, sa pagsaritaan dagitoy a saludsod:

Basaen ti Mikias 5:2 tapno maammuam ti pakayanakan ti Mesias.b

  • Natungpal kadi daytoy a padto maipapan iti nakayanakan ni Jesus?​—Mateo 2:1.

Basaen ti Salmo 34:20 ken Zacarias 12:10 tapno makitam dagiti detalye dagiti padto maipapan iti ipapatay ti Mesias.

  • Natungpal kadi dagitoy a padto?​—Juan 19:33-37.

  • Panagkunam, nasaksakbay kadi nga implano ni Jesus a matungpal dagitoy a padto?

  • Para kenka, ania ti ipakita daytoy maipapan ken Jesus?

6. Pagimbagantayo no adalentayo ti maipapan ken Jesus

Ipakita ti Biblia a nagpateg nga adalentayo ti maipapan ken Jesus ken ti kayat ti Dios nga aramidenna. Basaen ti Juan 14:6 ken 17:3, sa pagsaritaan daytoy a saludsod:

  • Apay a napateg nga adalentayo ti maipapan ken Jesus?

Ni Jesus a mangisursuro iti grupo dagiti lallaki, babbai, ken ubbing.

Linuktan ni Jesus ti dalan tapno agbalintayo a gayyem ti Dios. Insurona ti kinapudno maipapan ken Jehova, ken babaen kenkuana, maaddaantayo iti agnanayon a biag

KUNA TI DADDUMA: “Saan a mamati dagiti Saksi ni Jehova ken Jesus.”

  • Ania ti isungbatmo?

SUMARIO

Ni Jesus ket maysa a mannakabalin nga espiritu. Isu ti Anak ti Dios ken ti Mesias.

Rebiu

  • Apay a naawagan ni Jesus kas “ti inauna iti amin a parsua”?

  • Ania ti inaramid ni Jesus sakbay nga immay ditoy daga?

  • Kasanotayo nga ammo a ni Jesus ti Mesias?

Padasem Daytoy

AGDISKOBREKA PAY

Ammuem ti ad-adu pay maipapan iti papel ni Jesus kas ti Mesias.

“Paneknekan Kadi Dagiti Padto Maipapan iti Mesias a ni Jesus ti Mesias?” (Artikulo iti website)

Ammuem no isursuro ti Biblia a ti panangpataud ti Dios ken Jesus ket kas iti panangpataud dagiti tattao iti annak.

“Apay a ni Jesus ket Maawagan iti Anak ti Dios?” (Artikulo iti website)

Kitaem no apay a saan nga isursuro ti Biblia ti Trinidad.

“Ni Kadi Jesus ti Dios?” (Ti Pagwanawanan, Abril 1, 2009)

Basaem no kasano a nagbalbaliw ti biag ti maysa a babai idi inadalna ti ibagbaga ti Biblia maipapan ken Jesus.

“Ilawlawag ti Maysa a Babai a Judio No Apay a Binaliwanna ti Pammatina” (Agriingkayo!, Mayo 2013)

a Mailawlawag iti Leksion 26 ken 27 no apay a kasapulan dagiti tattao ti maisalakan ken no kasano nga isalakannatayo ni Jesus.

b Kitaen iti Endnote 2 ti maysa a padto nga eksakto a mangibaga iti panagparang ti Mesias ditoy daga.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share