KANTA 159
Itedyo ken Jehova ti Dayag
1. Naindaklanka Jehova.
Asino ti kas kenka?
Ti napudno nga ayatmo—
Aniat’ pangsubadko Apo?
Dayaw ken bilegmo Ama—
Ipalgak ti langlangit.
Asinoak, O, Jehova,
Tapno patgem ken aywanam?
(KORO)
O, Jehova, denggem daytoy kantak—
Pammadayawko kenka.
Amak, Diosko iti agnanayon.
Sika lang ti maikari
A pagdaydayawanmi!
2. Kukuam ti biagko, Jehova;
Itdek ti amin kenka.
Kinadayagmo, O, Apo—
Kayatko nga ikasaba.
Pagpannakkelko Jehova
Ti panagserbik kenka.
Bileg, pigsak ipaayko.
Biagkot’ italekko kenka!
(KORO)
O Jehova, denggem daytoy kantak—
Pammadayawko kenka.
Amak, Diosko iti agnanayon.
Sika lang ti maikari
A pagdaydayawanmi!
3. Init, bituen ken ti bulan,
Turod, baybay, tantanap—
Anian a nakaskasdaaw;
Kinadungngom ket mariknak.
Makitak nakaparsuaan,
Sirib, dayag, hustisiam.
Diak malapdan ti agyaman
Ken mangidaydayaw kenka!
(KORO)
O Jehova, denggem daytoy kantak—
Pammadayawko kenka.
Amak, Diosko iti agnanayon.
Sika lang ti maikari
A pagdaydayawanmi!
(Kitaen met ti Sal. 96:1-10; 148:3, 7.)