AMRAMITA, DAGITI

[Ken (Kukua ni) Amram].

Dagiti kaputotan ni Amram, ti apoko ni Levi babaen ken Cohat. Buklenda idi ti maysa a paset ti benneg ti pamilia dagiti Cohatita. Bayat ti panagdaliasat iti let-ang, nagpakarsoda iti abagatan ti tabernakulo a kadua ti amin a pamilia ti annak ni Cohat. Ti annongen dagiti Cohatita maipaay iti panagserbi isu ti Lakasa, ti lamisaan, ti pagsaadan ti silaw, dagiti altar, ken dagiti aruaten, kasta met ti tabing iti nagbaetan ti Nasantuan ken ti Kasasantuan.​—Nu 3:27-31; 1Cr 26:23.