ATAI

[napaababa a porma ti Ataias].

1. Apoko ni Sesan, maysa a kaputotan ni Juda babaen ken Hezron. Babbai amin dagiti annak ni Sesan, a ti maysa kadakuada ket intedna tapno agbalin nga asawa ti Egipcio nga adipenna a ni Jarha, nga ama ni Atai. Kalpasanna, ni Atai met ti ama ti maysa a Natan.​—1Cr 2:25, 34-36.

2. Maysa kadagiti 11 a maingel a Gadita a nangballasiw iti agliplippias a Jordan tapno kumappon iti buyot ni David idiay let-ang.​—1Cr 12:8, 11-15.

3. Maikadua kadagiti uppat nga annak ni Rehoboam nga impasngay ti paboritona nga asawa a ni Maaca, nga apoko ni Absalom. No kasta ni Atai ket apoko ni Solomon ken kabsat ni Ari Abias (Abiam).​—2Cr 11:20, 21.