AZMAVET

[Napigsa ni Patay].

1. Maysa kadagiti maingel a lallaki ni David, a maysa a Barhumita (Baharumita). (2Sm 23:31; 1Cr 11:33) Mabalin nga isu met laeng ti Num. 2.

2. Ti ama da Jeziel ken Pelet iti tribu ni Benjamin, a karaman kadagiti nabileg a lallaki a kimmappon kadagiti puersa ni David idiay Siclag. (1Cr 12:1-3) Mabalin nga isu met laeng ti Num. 1.

3. Anak ni Adiel nga agay-aywan kadagiti gameng ti ari idi kaaldawan ni Ari David.​—1Cr 27:25.

4. Kaputotan ken maikanem iti linia manipud ken ni Saul babaen ken Jonatan.​—1Cr 8:33-36; 9:39-42.

5. Ili nga adda iti uneg ti teritoria ti Benjamin, a naawagan met iti Bet-azmavet. Dagiti destiero a naala idi sadiay ket karaman kadagidiay nagsubli kalpasan ti pannakaidestiero. (Esd 2:1, 24; Ne 7:28) Idi inagurasion ti pader ti nabangon manen a Jerusalem, impaay dayta nga ili ti dadduma a kumakanta agpaay iti dayta nga okasion. (Ne 12:29) Naikuna nga isu dayta ti agdama a Hizmeh (Hizma), agarup 8 km (5 mi) iti amianan nga amianan-a-daya ti Jerusalem, iti nagbaetan ti Geba ken Anatot.