BELA

1. Ti inauna nga anak ni Benjamin, ken maysa a kameng ti sangakabbalayan ni Jacob nga “immay ken Jacob iti Egipto.” Nagbalin nga ulo ti pamilia dagiti Belaita.​—Ge 46:8, 21, 26; Nu 26:38; 1Cr 7:6; 8:1-5.

2. Ti anak ni Beor ken ti immuna a nainaganan nga ari ti Edom. Nabayagen sakbay pay a naaddaan ti Israel iti ari, nagturay ni Bela iti kabesera a siudad ti Dinhaba a pagnanaedanna.​—Ge 36:31, 32; 1Cr 1:43.

3. Anak ni Azaz iti tribu ni Ruben.​—1Cr 5:3, 8.

4. Sabali pay a nagan ti siudad ti Zoar ken nalawag nga immun-una a naganna idi; nadakamat iti Genesis 14:2, 8 a karaman iti dadduma pay a siudad nga adda iti tanap.​—Kitaenyo ti ZOAR.