BET-BARA

[Balay ni Bara].

Idi a dagiti puersa ni Gideon kamkamatenda dagiti agtaltalaw a Midianita, nangipatulod ni Gideon iti sao kadagiti lallaki ti Efraim a kautibuenda ‘dagiti danum agingga iti Bet-bara ken ti Jordan’ (Uk 7:24), nabatad a tapno ti kabusor malapdan a bumallasiw iti Jordan. Yantangay ti bakal naaramid iti Nababa a Tanap ti Jezrael (Uk 6:33), ipasimudaag daytoy ti maysa a disso iti laud ti Jordan. Saan nga ammo ti ayanna, ngem naikuna a daytoy ket adda iti nagbaetan ti Wadi Farʽah ken ti Jordan. Nagaramat ni Ehud iti kasta met laeng a taktika iti pannakirupak kadagiti Moabita idi a “naalada dagiti pagballasiwan ti Jordan maibusor kadagiti Moabita.”​—Uk 3:27, 28.