CLEOPAS

[mabalin a pangababaan ti Cleopatros, a kaipapananna ti “Nalatak nga Ama”].

Maysa kadagiti dua nga adalan (saanda nga apostol) a nagdaliasat a nagpa-Emmaus idi aldaw a nagungar ni Jesus. Idi nakikadua kadakuada ni Jesus kas maysa a ganggannaet ken inimtuodna no ania ti pagdebdebateanda, insungbat ni Cleopas: “Agtataengka kadi a siksika laeng kas ganggannaet idiay Jerusalem ket iti kasta saanmo nga ammo ti bambanag a napasamak kenkuana kadagitoy nga aldaw?” Kalpasan nga inlawlawag kadakuada ni Jesus ti adu a kasuratan ken impabigbigna ti kinasiasinona, ni Cleopas ken ti kaduana, imbes nga umyanda idiay Emmaus, nagganatda nga agsubli idiay Jerusalem ket impadamagda dagitoy a banag iti sabsabali. (Lu 24:13-35) Daytoy a Griego a nagan a Cleopas saan koma a mapagkamalian nga isu ti Aramaiko a nagan a Clopas.​—Jn 19:25.