DELAIAS

[Nangyurnos ni Jehova [iti panangispal]].

1. Maysa a padi manipud linia ni Aaron idi tiempo ni David; babaen ti binnunot, isu naituding kas pannakaulo ti maika-23 a benneg ti papadi.​—1Cr 24:1, 5, 18.

2. Anak ni Semaias; maysa kadagiti prinsipe iti palasio ni Ari Jehoiaquim a nakangngeg ken Baruc a nangbasa iti libro nga insurat ni Jeremias ket kalpasanna nalawag nga impadamagna dayta iti ari. Ket idi tiempo a naibasa ti lukot iti sanguanan ni Jehoiaquim, ni Delaias ken ti dua a sabsabali pay a prinsipe impakaasida iti ari a saanna a puoran dayta, ngem saanna a pinatgan ida.​—Jer 36:11-26.

3. Ti inapo ti sumagmamano nga indibidual a kimmuyog ken Zorobabel idi napan idiay Jerusalem idi 537 K.K.P. ngem saanda a napaneknekan nga Israelitada.​—Esd 2:1, 59, 60; Ne 7:61, 62.

4. Anak ni Mehetabel ken ti ama ti Semaias a tinangdanan da Sanballat ken Tobias a mangbutbuteng ken Nehemias a gobernador.​—Ne 6:10-13.

5. Maysa kadagiti pito nga annak ni Elioenai; kaputotan ni David babaen ken Solomon.​—1Cr 3:10, 24.