UBBOG TI DAKKEL NGA ULEG

Daytoy a Hebreo a sao ket kaipapananna ti ubbog, burayok, wenno bubon ti maysa nga ulimaw iti daga wenno baybay. Nagduduma met ti pannakaipatarusna kas: “bubon ti dragon” (KJ, Le); “Bubon ti Serpiente” (AT); “uleg-ubbog” (Ro); “Ubbog ti Dakkel nga Uleg” (NW). Nupay kasta, ti mabasa iti Griego a Septuagint ket “Ubbog Dagiti Kayo a Higos.”

Daytoy nga ubbog ti danum ket masarakan iti ruta a dimmalanan ni Nehemias bayat ti damo a panangsukimatna kadagiti narba a pader ti Jerusalem. (Ne 2:12, 13) Yantangay saan a masarakan daytoy a nagan iti sabali pay a paset Kasuratan, mabalin a sabalin a nagan ti naaramat maipaay iti daytoy nga ubbog no natukoy man iti sabali pay a teksto. Kadawyanna a maikunkuna nga En-rogel ti sabali pay a naganna. Mabalin a kasta ta nupay ti En-rogel ket pangadaywen iti baba ti Ginget Kidron, kunaen laeng ti salaysay a limmabas ni Nehemias “iti sango ti Ubbog,” ket mabalin a kaipapananna a limmabas iti abay ti nagsulian ti pader a sumango iti En-rogel ken masaripatpatanna ti ubbog.​—Kitaenyo ti EN-ROGEL.