SANGADAKULAPAN

Maysa a rukod ti kaatiddog nga agarup katupag ti kaakaba ti ima iti puon dagiti ramay. Ti sangadakulapan napattapatta a 7.4 cm (2.9 pul.); ti uppat a ramayan katupag ti maysa a sangadakulapan, ket ti innem a sangadakulapan katupag ti maysa a kasiko. (Ex 25:25; 37:12; 1Ar 7:26; 2Cr 4:5; Eze 40:5, 43; 43:13) Sigun iti Salmo 39:5, kinuna ni David: “Inaramidmo dagiti aldawko a sumagmamano laeng”; ngem ti agparang iti Hebreo a Masoretiko a teksto ket “kas kadagiti sangadakulapan laeng.” (Rbi8 ftn) Kasta met laeng ti panangaramat ni Kristo Jesus iti sao a “kasiko”: “Siasino kadakayo nga iti panagbalinna a maringgoran manayonanna iti maysa a kasiko ti kaatiddog ti biagna?”​—Mt 6:27.