HANATON

[mabalin a nagtaud iti sao a kaipapananna ti “mangipakita iti pabor; agbalin a naparabur”].

Maysa a siudad a pannakabeddeng ti Zabulon. (Jos 19:10, 14) Nupay saanda a sigurado, kunaen ti kaaduan nga eskolar a ti Hanaton isu ti Tell el-Bedeiwiyeh (Tel Hannaton), agarup 10 km (6 mi) iti amianan nga amianan-a-laud ti Nazaret. Agparang ti Hanaton kadagiti rekord ni Ari Tiglat-pileser III iti Asiria ken kasta met iti Amarna a Taptapi.