HASABIAS

[Imbilang (Inkabilangan) ni Jehova].

1. Maysa a Levita iti linia ti kapuonan manipud ken Merari agingga ken Etan a kumakanta iti templo. (1Cr 6:31, 44-47) Mabalin nga isu met laeng ti Num. 6.

2. Pannakaulo ti maika-12 kadagiti 24 a bunggoy a nangbingbingayan ni David kadagiti Levita a musikero iti templo; maysa kadagiti innem nga annak ni Jedutun ken mabalin a maysa a kaputotan ti Num. 1.​—1Cr 25:1, 3, 19.

3. Maysa nga administrador “maipaay iti isuamin nga aramid ni Jehova ken maipaay iti panagserbi iti ari” a, kadua ti kakabsatna, dinutokan ni David a mangaywan iti teritoria iti laud ti Jordan. Isu ket Levita, maysa a kaputotan ti anak ni Cohat a ni Hebron. (1Cr 26:30; 23:12) Mabalin nga isu met laeng ti Num. 4.

4. Maysa a prinsipe ken panguluen iti tribu ni Levi bayat ti panagturay ni David. (1Cr 27:16, 17, 22) Mabalin nga isu met laeng ti Num. 3.

5. Maysa kadagiti “panguluen dagiti Levita” a nangikontribusion iti adu nga animal maipaay iti naindaklan a rambak ti Paskua ni Ari Josias.​—2Cr 35:1, 9.

6. Maysa a Levita a ti kaputotanna nagnaed idiay Jerusalem kalpasan ti pannakaidestiero idiay Babilonia. (1Cr 9:2, 3, 14; Ne 11:1, 4, 15, 20) Mabalin nga isu met laeng ti Num. 1.

7. Maysa kadagiti panguluen a papadi a nangitalkan ni Esdras iti panangidaliasat kadagiti napateg a material manipud Babilonia nga agturong idiay Jerusalem idi 468 K.K.P. (Esd 8:24-30) Mabalin nga isu met laeng daydiay nadakamat iti bersikulo 19 ken mabalin nga isu met laeng ti Num. 9.

8. Maysa a Levita, nalabit maysa a kaputotan ti Num. 1, a nangpatalged iti tulagan ti kinamatalek idi kaaldawan ni Nehemias. (Ne 9:38; 10:1, 9, 11) Mabalin nga isu met laeng ti Num. 10 wenno 11.

9. Maysa a padi a mangidadaulo iti sangakabbalayan ni Hilkias iti dasig ti amana bayat ti panagtakem ti nangato a padi a ni Joiaquim a suno ni Jesua. (Ne 12:10, 12, 21) Mabalin nga isu met laeng ti Num. 7.

10. Maysa kadagiti pannakaulo dagiti Levita, nagserbi bayat ti panagannong ni Joiaquim.​—Ne 12:23, 24, 26; kitaenyo ti Num. 8.

11. Maysa a Levita a prinsipe iti kagudua ti distrito ti Keila a nangtarimaan iti maysa a benneg ti pader ti Jerusalem maipaay iti distritona.​—Ne 3:17; kitaenyo ti Num. 8.

12. Maysa a Levita kadagiti “annak ni Asaf” a ti kaputotanna ket manangaywan dagiti Levita idiay Jerusalem kalpasan ti pannakaidestiero.​—Ne 11:22.