HEFER

[1-3: Isu Nagbirok]

1. Anak ni Galaad ken apoko ni Manases iti tumeng; inapo dagiti Heferita. (Nu 26:29, 30, 32; 27:1) Ni Hefer ti ama ni Zelofehad, a pagaammo nga awanan iti annak a lallaki no di ket addaan iti lima nga annak a babbai a ti kasoda nangipasdek iti legal a pagtuladan iti panangtaming kadagiti pagtatawidan a sanikua no awan ti putot a lalaki.​—Nu 26:33; 27:1-11; Jos 17:2, 3.

2. Maysa a kaputotan ni Juda; anak ni Asur babaen iti asawana a ni Naara.​—1Cr 4:1, 5, 6.

3. Mequeratita; maysa kadagiti nakalalaing a mannakigubat ni David.​—1Cr 11:26, 36.

4. [Panagkali [kayatna a sawen, iti bito]]. Nalawag nga agpadpada a maysa a siudad ken maysa a distrito iti laud ti Jordan. Ti ari ti Canaanita a siudad ti Hefer ket karaman kadagidiay pinarukma ni Josue. (Jos 12:7, 8, 17) Idi tiempo ni Solomon, ti distrito ti Hefer, kasta met ti Socoh, addada iti sidong ti masakupan ti maysa a nadutokan a diputado. (1Ar 4:7, 10) Saan a masigurado ti eksakto nga ayan ti kadaanan a Hefer. Kunaen ti dadduma nga isu dayta ti Tell el-Ifshar (Tel Hefer), agarup 40 km (25 mi) iti amianan nga amianan-a-daya ti Tel Aviv-Yafo.