HOMER

Namaga a sukat a katupag ti cor ken kapada ti sangapulo a bat wenno sangapulo nga efa. (Eze 45:11, 14) Maibatay iti pattapatta a kaadu ti bat a sukat, ti efa napattapatta a 22 L (20 namaga a qt). Ngarud ti homer kapada ti 220 L (200 namaga a qt). (Os 3:2) Idiay let-ang, dagiti naagum nga Israelita nagurnongda iti nakaad-adu a namilagruan pannakaipaayda a pugo ta “daydiay kabassitan ti naummong nakaurnong iti sangapulo a homer” (2,200 L; 2,000 namaga a qt; 62 bu). (Nu 11:32) Ti homer dakamaten met ti Kasuratan kas sukat maipaay iti sebada, bukbukel, ken trigo.​—Le 27:16; Isa 5:10; Eze 45:13.