HORONAIM

[mabalin a, Dua nga Abut [kayatna a sawen, rukrukib]].

Maysa a lugar idiay Moab a nairaman kadagiti nakaiturongan ti panangukom ni Jehova. (Isa 15:1, 5; Jer 48:1, 3, 5, 34) Saan a masinunuo ti eksakto nga ayanna. Nupay kasta, gapu iti posible a kaipapanan ti nagan a Horonaim, ti dadduma di sigurado a kunaenda nga isu dayta ti el-ʽIraq (kaipapananna ti “Rukib”), a nagsaad agarup 490 m (1,600 pie) iti baba ti patas ti nangato a lantag ti Moab ken agarup 18 km (11 mi) iti daya ti makin-abagatan nga ungto ti Natay a Baybay. Ti Horonaim mabalin nga isu met laeng ti “Hauronen” a nadakamat iti Bato a Moabita kas innala ni Mesa nga ari ti Moab babaen iti gubat.