JEIEL

1. Maysa a kaputotan ni Ruben nga anak ni Jacob.​—1Cr 5:1, 7.

2. Maysa a Benjamita nga agnanaed iti Gabaon agraman ti pamiliana (ti asawana a ni Maaca ken ti sangapulo nga annakna); inapo ni Ari Saul. (1Cr 8:29; 9:35-39) Agparang nga isu met laeng ni Abiel.​—1Sm 9:1; kitaenyo ti ABIEL Num. 1.

3. Maysa kadagiti nabileg a lallaki ni David; anak ni Hotam nga Aroerita.​—1Cr 11:26, 44.

4. Maysa a Levita (agpada nga agay-aywan iti ruangan ken musikero) a nakipaset iti panagtokar idi marambakan ti damo a pannakaipan ti Lakasa idiay Jerusalem. Kalpasan dayta, isu nagtokar iti sanguanan ti tolda a nakaikabilan ti Lakasa.​—1Cr 15:17, 18, 21, 28; 16:1, 4, 5 (ti maikadua a Jeiel iti ber 5).

5. Maysa pay a Levita a musikero a nangaramid kadagiti isu met laeng a panagserbi nga inaramid ti Num. 4. (1Cr 16:5, ti umuna a Jeiel iti dayta a bersikulo) Naawagan Jaaziel iti 1 Cronicas 15:18 ken Aziel iti 15:20.

6. Maysa a Levita a kaputotan ni Asaf ken inapo ti Levita a nangparegta ken Ari Jehosafat ken kadagiti agnanaed iti Juda ken Jerusalem a saanda koma a pagbutngan dagiti kabusorda, ta adda ni Jehova iti ilina.​—2Cr 20:14-17.

7. Ti sekretario a nangipasalista ken nangbilang iti buyot ni Ari Ozias.​—2Cr 26:11.

8. Maysa kadagiti panguluen a Levita a nangipaay iti nakaad-adu a kontribusion nga an-animal maipaay iti naindaklan a rambak ti Paskua ni Ari Josias.​—2Cr 35:1, 9.

9. Maysa a kaputotan ni Adonicam a kimmuyog iti panagdaliasat ni Esdras idiay Jerusalem manipud Babilonia idi 468 K.K.P.​—Esd 8:1, 13.

10. Maysa kadagiti annak ni Nebo a namagtalaw iti ganggannaet nga assawada a babbai ken annakda idi kaaldawan ni Esdras.​—Esd 10:43, 44.