JEROHAM

[Isu Maipakitaan Koma iti Asi].

1. Ama ni Elcana ken apong ni Samuel; kaputotan ti Levita a ni Cohat.​—1Sm 1:1, 19, 20; 1Cr 6:22, 27, 34, 38.

2. Maysa a Benjamita nga agnanaed iti Gedor a ti dua nga ‘annakna’ ket nainaganan a karaman kadagiti “katulongan [ni David] iti pannakigubat” bayat nga aglemlemmeng idiay Siclag gapu ken Saul.​—1Cr 12:1, 2, 7.

3. Ama ni Azarel a prinsipe iti tribu ni Dan bayat ti panagturay ni Ari David.​—1Cr 27:1, 22.

4. Ama ni Azarias, maysa kadagiti panguluen ti buyot a timmulong ken Jehoiada a mangisaad ken Jehoas kas ari.​—2Cr 23:1, 11.

5. Maysa a kaputotan ni Benjamin a ti innem a nainaganan nga ‘annakna’ ket nagbalin a pannakaulo ti pampamilia nga agnanaed idiay Jerusalem. (1Cr 8:1, 26-28) Mabalin nga isu met laeng ti Num. 6.

6. Benjamita nga inapo ni Ibneas, a nagnaed idiay Jerusalem kalpasan ti pannakaidestiero. (1Cr 9:7, 8) Mabalin nga isu met laeng ti Num. 5.

7. Ama wenno inapo ti padi a ni Adaia a nagnaed idiay Jerusalem kalpasan ti pannakaidestiero idiay Babilonia.​—1Cr 9:3, 10, 12; Ne 11:4, 12.