LOTUS, KAYO A

[Heb., tse·ʼelimʹ (pangadu a porma)].

Ti nasiit a lotus (Zizyphus lotus) ket nasanga a nababa a kayo, a masansan a dumakkel laeng agingga iti katayag a 1.5 m (5 pie). Ti bulbulongna ket babassit, arinduyog, ken nakulbet, ket iti puon ti tunggal bulong adda sangaparis a siit. Ti kakaisuna a pannakatukoy dayta ket iti Job 40:21, 22, a mangdakdakamat iti Behemot (ti hipopotamo) kas agid-idda iti linong daytoy a kayo. Nupay masarakan daytoy a kayo kadagiti namaga a disso iti Palestina, dakamaten dayta ti A Dictionary of Life in Bible Times kas “naruay kadagiti nabara ken naagneb a lutulot” iti makin-amianan nga Africa.​—Ni W. Corswant, Suffolk, 1960, p. 177.