MAASIAS

[Aramid ni Jehova].

1. Maysa a Levita a musikero iti maikadua a benneg a nangtokar iti maysa nga instrumento nga adda kuerdasna idi naipan idiay Jerusalem ti lakasa ni Jehova manipud balay ni Obed-edom idi kaaldawan ni David.​—1Cr 15:17-20, 25.

2. Maysa kadagiti “panguluen ti ginasut” a nakitulag iti nangato a padi a ni Jehoiada mainaig iti pannakaisaad ni Jehoas kas nainkalintegan nga ari ti Juda a mangsuno ken Athalia a nangagaw iti turay.​—2Cr 23:1.

3. Maysa nga opisial iti babaen ni Hananias a maysa a prinsipe ni Ari Ozias ti Juda. Nabatad nga adda nakainaiganna iti pannakaipasalista ti kamkameng ti puersa militar ni Ozias.​—2Cr 26:11.

4. “Anak ti ari” (putot ni Acaz nga ari ti Juda wenno mabalin a maysa nga opisial a nagtaud iti naarian a kapuonan) a pinapatay ti Efraimita a ni Zicri idi a ni Peca nga ari ti Israel rinautna ti Juda.​—2Cr 28:1, 6, 7.

5. Ti panguluen ti siudad ti Jerusalem ken maysa kadagiti lallaki nga imbaon ni Ari Josias a mangtarimaan iti balay ni Jehova.​—2Cr 34:8.

6. Padi ken ama ti maysa nga agnagan Sofonias a kapanawenan ni Jeremias.​—Jer 21:1; 29:25; 37:3.

7. Ama ni Zedekias nga ulbod a mammadto idi kaaldawan ni Jeremias.​—Jer 29:21.

8. Anak ni Sallum nga agay-aywan iti ruangan ken nabatad a maysa a Levita. Nainaig iti naganna ti maysa a siled a panganan iti templo.​—Jer 35:4.

9. Maysa kadagiti annak ti papadi, iti sangakabbalayan ni Jesua, a karaman kadagidiay nangala iti ganggannaet nga assawa a babbai ngem pinagtalawda dagitoy idi tiempo ni Esdras.​—Esd 10:18, 19, 44.

10. Maysa a padi manipud “iti annak ni Harim,” karaman kadagidiay nangasawa iti ganggannaet a babbai ngem pinagtalawda dagita idi tiempo ni Esdras.​—Esd 10:21, 44.

11. Maysa a padi manipud “iti annak ni Pasur,” karaman met kadagidiay namagtalaw iti ganggannaet nga assawada.​—Esd 10:22, 44.

12. Maysa nga Israelita ken maysa kadagiti “annak ni Pahat-moab” a karaman kadagidiay nangpapanaw iti ganggannaet nga assawada a babbai.​—Esd 10:25, 30, 44.

13. Ama wenno inapo ti maysa nga Azarias, maysa kadagiti nangtarimaan iti pader ti Jerusalem iti panangimaton ni Nehemias.​—Ne 3:23.

14. Lalaki a nagtakder iti makannawan ni Esdras idi imbasana ti Linteg kadagiti Israelita a naguummong idiay Jerusalem.​—Ne 8:2, 4.

15. Levita a timmulong iti padi a ni Esdras. Maysa kadagiti nangilawlawag iti Linteg kadagiti Israelita a naguummong idiay Jerusalem.​—Ne 8:7.

16. Maysa kadagiti “pannakaulo dagiti umili” a ti kaputotanna, no saan nga isu a mismo, pinatalgedanna ti “mapagpiaran nga urnos” babaen iti selio idi tiempo ni Nehemias.​—Ne 9:38; 10:1, 14, 25.

17. Lalaki a taga Juda a nagnaed idiay Jerusalem kalpasan ti panagsubli manipud pannakaidestiero idiay Babilonia. (Ne 11:4, 5) Mabalin nga isu met laeng ti Asaias iti 1 Cronicas 9:5.​—Kitaenyo ti ASAIAS Num. 4.

18. Lalaki a taga Benjamin a maysa nga inapo ni Sallu, agtataeng iti Jerusalem idi tiempo ni Nehemias.​—Ne 11:7.

19. Padi a nakipaset iti pannakaidedikar ti pader ti Jerusalem idi tiempo ni Nehemias.​—Ne 12:41.

20. Sabali pay a padi a nakipaset iti pannakaidedikar ti pader ti Jerusalem idi kaaldawan ni Nehemias.​—Ne 12:42.