ME-JARCON

[Dandanum ti Jarcon].

Patien ti dadduma nga eskolar a ti Me-jarcon iti teritoria ti Dan (Jos 19:40, 41, 46) isu ti Nahr el-ʽAuja (Nahal Yarqon), a sumrek iti Baybay Mediteraneo agarup 6 km (3.5 mi) iti amianan nga amianan-a-daya ti Joppe. Dagiti gubuayanna, a karaman kadagiti kadakkelan nga ubbog idiay Palestina, ket tumpuar agarup 20 km (12 mi) manipud iti takdang iti asideg ti naisingasing nga ayan ti Afek (Num. 3).

Kunaen met ti dadduma a ti nailanad iti orihinal a Hebreo a teksto, kas iti Griego a Septuagint, ket mabalin a ‘ken iti laud [wenno, iti baybay] a Jarcon.’ Ti Tell Qasileh (Tel Qasila), a nagsaad iti las-ud ti Tel Aviv-Yafo (Joppe), ket naisingasing kas posible nga isu ti Jarcon.