MENUHOT

[Dagiti Lugar a Paginanaan].

Sigun iti Masoretiko a teksto, mabalbalin a maysa a Judeano a pamilia a nagtaud ken Sobal. (1Cr 2:4, 52) Ngem ti sumagmamano nga eskolar kaykayatda nga aturen ti Hebreo a teksto tapno mabasa a “dagiti Manahatita,” a kas iti bersikulo 54. (JB, Mo) Ket ti maysa a Judio a komentario iti Cronicas ipaayna ti sabali pay a pannakabasa kas “nangimaton iti kagudua dagiti lugar a paginanaan.” Ilanadna: “Ni Sobal ti agay-aywan idi iti kagudua dagiti sumardengan dagiti sangkakuyogan a managbiahe iti daga ti Juda.”​—Soncino Books of the Bible, inurnos ni A. Cohen, London, 1952, p. 15.