MERATAIM

[nalabit, Napamindua a Panagrebelde].

Awag nga agpaay iti Babilonia, wenno mabalbalin nga iti maysa a teritoria idiay Babilonia. (Jer 50:21, 23, 24) Mabalin a tumukoy dayta iti nar marratu a nailanad kadagiti kitikit ti Babilonia, a naibilang nga isu ti Gulpo ti Persia a pagturongan ti dandanum dagiti karayan a Tigris ken Eufrates. Nabatad a maysa daytoy nga umarngi a pannakaibalikas ti Hebreo a berbo a ma·rahʹ (agbalin a rebelioso). Yantangay pangdua ti porma ti sao a Merataim a naadaw manipud iti ma·rahʹ, mabalin nga ipamatmatna ti kinakaro ti panagrebelde ti Babilonia. Agrebrebelden ti Babilonia maibusor ken Jehova sipud pay idi imbangon ni Nimrod dayta a siudad.​—Ge 10:8-10.