PELATIAS

[Nangilisi ni Jehova].

1. Maysa kadagiti uppat a panguluen ti tribu ni Simeon a nangidaulo iti 500 a lallaki a makirupak idiay Bantay Seir ket kinabilda dagiti natda kadagiti Amalekita, nalabit bayat ti panagturay ni Ezekias.​—1Cr 4:41-43.

2. Anak ni Benaias; maysa a prinsipe ti Israel a nakita ni Ezequiel iti sirmata. Ni Pelatias, agraman ni Jaazanias, ‘ginandatna ti mangpasakit ken nangipaay iti dakes a balakad’ maibusor iti Jerusalem. Napaltiingan ni Ezequiel a mangisawang iti padto maibusor kadagiti umili iti Israel, a kalpasan dayta natay ni Pelatias.​—Eze 11:1-13.

3. Adayo a kaputotan ni David ken apoko ni Zorobabel. (1Cr 3:19-21) Mabalin nga isu met laeng ti Num. 4.

4. Ulo ti pamilia a nairepresentar kadagiti pirma iti tulag a mangikarkari iti saan a panangala iti ganggannaet nga assawa a babbai.​—Ne 9:38; 10:1, 14, 22; kitaenyo ti Num. 3.