SENIR

Ti nagan ti Bantay Hermon kadagiti Amoreo. (De 3:9) Yantangay dakamaten ti 1 Cronicas 5:23 ti “Senir ken Bantay Hermon,” mabalin met a nausar ti nagan a Senir a mangipasimudaag iti maysa a paset ti Kabambantayan ti Hermon, wenno Anti-Libano. Idiay idi Senir ti paggapuan ti parwa a kaykayo (Eze 27:5) ken sadiay ti ayuyang dagiti leon ken leopardo. (Sol 4:8) Iti maysa a kitikit dagiti Asirio, nadeskribir ti Senir (Sa-ni-ru) kas “maysa a bantay a nakasango iti Libano.”​—Ancient Near Eastern Texts, inurnos ni J. Pritchard, 1974, p. 280; kitaenyo ti HERMON.