SAMIR

1. Maysa a Levita nga anak ni Mikias.​—1Cr 24:20, 24.

2. Maysa a siudad iti kabambantayan a rehion ti Juda. (Jos 15:20, 48) Ti kadaanan a nagan ket agparang a nataginayon iti nagan ti Khirbet Somerah, nupay naipagarup a ti aktual a disso ket adda iti kabangibang nga el-Bireh, agarup 20 km (12 mi) iti abagatan a laud ti Hebron.

3. Pagtaengan ken nakaitabonan ni Ukom Tola iti kabambantayan a rehion ti Efraim. (Uk 10:1, 2) Ti Samir ket mabalin nga adda iti naud-udi nga ayan ti Samaria wenno iti asideg dayta. Daytoy a panangmatmat ket suportaran ti Codex Alexandrinus (LXX), a mabasa ti Sa·ma·reiʹai (Samaria) iti Uk-ukom 10:1.